Dokumentala erosi ahal izateko, bisitatu Pamiela argitaletxeko webgunea - editorial Pamiela- eta kreditu txartelaz edo kontrarrenboltsoz ordaindu ahal izango duzu. Korreo arruntaren bidez edo mezularitza lasterraren bidez bidaltzen da.

Ze ondo pasatu genuen!
Onki Xin-en egindako jaia zoragarria izan zen, bere denboran tarte bat egin eta gurekin egoteko konpromezua hartuta hainbat eta hainbat lagun bildu ginelako bertan.

Nahiz eta proiektoerarekin arazoren bat eduki, pintxoek akats hauek ahazten lagundu zuten eta sortutako giroa ezin hobea suertatu zen.

Aurrerantzean beste leku batzuetan aurkeztea dugu helburu, jada, Iñaki Sagredo toki desberdinetan hitzaldiak ematen hasi da. DVD-ak liburudendetarako ibilbidea egiten ari du.

Mezu honen bitartez, heldu den azteazkenean hilak 17, 19:30etan Donibane auzoko Onki Xin tabernan ospatuko den “Baskoien defentsa” dokumentalaren aurkezpenera gonbidatzen zaituztegu.

Bertan egongo dira, lan hau aurrera ateratzea posible egin duten pertsonak baita nafar gizarteko hainbat eragile ere.

Eskerrik asko. “Baskoien defentsa” lan taldea.

Dokumentalaz gain, DVD-an bertan, Richard Edwards konpositore britaniarraren eta Iñaki Sagredori eginiko bi elkarrizketa aurkitu ditzazkezu. Pamiela argitaletxeak kaleratutako lana da hau eta erosi nahi izan ezkero hemen sakatuta egin dezakezu.

Bestalde, DVD-aren aurkezpenarekin hasi gara, lehenengo hitzorduak Irunen eta Maulen deituak daude. Hemendik gutxira, Iruñean eginen dugu aurkezpen ofiziala, denak gonbidatuak zaudete.

Hauek dira egun hauetan izaten ari ditugun sentsazioak. Denbora eskasa, informatikarekin borrokak, talde lana antolatzea, gure esperientzia faltak, guregan sortzen ari duen egonezinaren erakusle garbiak dira.

Dokumentalaren edizioan lan egiten dugun bitartean, bestelako beharrak suertatzen ari zaizkigu, proiektu hau duintasunez bukatu ahal izateko, triptikoa, portada, diseinu lana…

Bestalde, esan beharra dago, proiektu honen partehartzaileak, bestelako lanetan ere murgildutak gaudela, Iñaki Sagredo bere liburu sailaren,“Navarra Castillos que defendieron el Reino” laugarren liburua bukatzen ari da eta oraintxe atera berri du gazteluen mapa itzela,mapa de los castillos de Navarra hurrengo abenduaren 3an aurkeztuko dena; Mikel Santakiteria revista Nabarra aldizkariko orriak “pintatzen” dabil, Rubén Marcilla Berriozar herriko historiaren inguruko dokumental batean sutsuki sartuta dago eta Gurutz Cilvetik Nabarralderentzako, Mikel Soraurenen azken liburua egin du “Fueros y Carlistada” deitutakoa.

Dena den esan daiteke, presiopean lortutako etekinak handiagoak direla eta horren inguruan asko ikasten ari gara.

Hurrengo hileko 3an, Nafarroako egunaren ospakizunarekin batera, Nafarroako erreinua defendatu zuten gazteluen mapa aterako da salgai. Mapa hau, urte askoko ikerketa lanen ondorioa da.

Mapak, erdi aroko itxura dauka, ikonoak, pergaminozko fondoa eta bere inguruan kokatzen diren ornidura itzelak ere, lan handi baten ondorio direla erakusten dutelarik.

Gazteluaren irudia, XIV.mendeko eskribano batek egindakoa da. Ondo pentsatutako lana da, batez ere lanarekiko jarrera eta ikuspegia, erdi aroko pertsona baten ikusteko izango luken era ardatz hartzen duelako.

Mapa, garaian garaiko erreinuak hartutako hedapenaren erakusle garbia da eta honek zeukan garrantziaz ohartarazten digu. Begirada batek, leku anitzetara eramaten gaitu Kantabriako kostaldea, Bizkaia, Gipuzkoa, Araba, Errioxa, Bureba, Burgoseko zonaldea, Sobrarbe, Aragoi, Ribagorza, Nafarroa Beherea, Bearne, etabar.

Zuen gustokoa izatea espero dugu eta behintzat idatzizko komunikabideek historiarekiko bestelako begirunea eta gogoa erakustea.

www.noticiasdenavarra.com

Nabarralde

Dokumental honetan azpimarratzeko zerbait baldin badago, hori lan taldea da; lan honekin hasi ginenean ezer ez genikela bagenekien eta erlazioen bitartez eta dakien jendea eredu hartuta, beraietaz ikastea erabaki genuen.

Horregatik ate joka egon gara etengabe laguntza bila… Richard Edwars eta Ortzadar taldeak euren musika bikaina eskeini ziguten, Rubén Marcilla filma honen errebelazioa izan da, profesionalitatea eta lanerako gaitasun haundia erakutsiz, Pamiela editorialak oraindikan telefonoa hartzen digu eta pertsona eta kolektibo askok euren laguntza eskeini digute.

Laguntza horien artean, ezinbestekoa suertatzen ari den bat, Aitor Ortiz de Felipek egiten ari duen lana da, LFO soinu estudioen arduraduna hain zuzen. Aitor, Iruñan gertatzen ohi den bezala ezagutu genuen… lagun baten anaiak soinu estudio bat dauka eta oso ona da, etabar. Egia esan, benetan ona da bere lanean eta beraren bitartez, soinua lantzeko orduan profesional baten laguntza edukitzea lortu dugu.

Bere esku eta belarrietatik aterako da soinua eta anbientazioa, soinu efektuak, lokuzioaren tratamendua eta dena bere aldetik jartzen dituen gogoei esker, guregan sinistu du eta bere Iruñako estudioaren ateak ireki dizkigu, LFO estudioak Iturraman ( Iruñea-Pamplona).

Iturramako 5.zenbakian daukan LFO estudioan, grabazio gela txiki bat du, akustikoki eta teknologikoki kalitate handikoa, baita gama altuko bideoan eta efektuen lanketan aritzeko ekipazioa ere.

Esker aunitz Aitor

Nork esango zigun guri, proiektu hau hasi ginenean, hainbesteko izerdiak botako genituela bukatu arren!…Baina hala zioen Spike Lee-ren “Haz lo que debas” filman atera eta ondoren Negu Gorriak taldeak Gure Jarrera diskoan euskeratutako abestiak…”Horrelakoa da bizitza/ egin zazu behar duzuna/…” eta proiektu hau beharrezkoa ikusten dugunez gero…aurrera egin behar, nola ez!

Internetek dardar egin dezala! 1000 bisitarien hesia gailentzea lortu dugu! Mila esker gure blogean sartzeagatik.